Fréttir

Starfsfólk leikskólans óskar ykkur gleðilegs nýs árs með kærri þökk fyrir samstarfið á síðasta ári. Það er gleðilegt að segja frá því að samstarf milli leik- og grunnskólans má aftur fara af stað skv. nýrri reglugerð um takmarkanir á skólastarfi á tímum farsóttar. Nýja reglugerðin gildir til og með 28. febrúar 2021 og verður áfram grímuskylda hjá foreldrum/forráðamönnum þegar þeir koma með og sækja barn sitt/börn sín í leikskólann. Foreldrar/forráðamenn eru áfram beðnir um að skaldra stutt við í anddyri leikskólans því enn er í gildi að þær takmarkanir að foreldrar skuli almennt ekki koma inn í leikskólann nema brýna nauðsyn beri til. Aðrir sem koma í leikskólann m.a. vegna vöru- eða póstafhendinga sem og sérfræðingar stoðþjónustu, verða undantekningalaust að vera með andlitsgrímu. Þegar barn kemur í aðlögun, fylgir aðeins annað foreldrið barninu og þarf sama foreldrið að fylgja barninu allt aðlögunarferlið. Í aðlögun þarf foreldrið að vera með andlitsgrímu og því miður verður ekki hægt að bjóða því upp á að nota hreinlætis- né mataraðstöðu í leikskólanum á meðan aðlögun stendur yfir. Munum að hver og einn þarf áfram að gæta að einstaklingsbundnum sóttvörnum skv. leiðbeiningum Almannavarna og Embætti landlæknis. Það er von okkar að með hækkandi sól og björtum fyrirheitum um bóluefni muni dagleg rútína og samvistir komast í betra horf en nú hefur verið. Þangað til höldum við okkur við gildandi reglulgerðir, einstaklingsbundnar sóttvarnir og grímunotkun.

Við sendum öllum okkar bestu óskir um gleðirík jól og farsæld á komandi ári. Þökkum samveruna og samstarfið á árinu sem er að líða. Jólakveðja, starfsfólk Tröllaborgar.

Tröllaborg er komin í jólabúning og ýmislegt gert í tilefni jólanna. Í næstu viku hvílum við hefðbundið hópastarf og höfum jólakósýheit í staðinn. Litlu jólin verða á sínum stað með jólamat og léttum jóladansleik en með breyttu sniði. Vegna Covid 19 sjáum við okkur ekki fært um að bjóða foreldrum/forráðamönnum á jólaballið líkt og árin á undan og vonum að þetta verði í eina skiptið sem sú staða kemur upp.

Loksins hefur ný reglugerð fyrir skólastarf á tímum farsóttar litið dagsins ljós. Gildir hún frá 3. nóvember 2020 til 17. nóvember 2020. Nýja reglugerðin setur okkur örlítlar skorður á leikskólastarfið í Tröllaborg en á samt að tryggja sem minnst röskun á skólastarfi (óháð skólastigum). Hvaða áhrif hefur reglugerðin á starfið í Tröllaborg?

Kæru foreldrar/forráðamenn. Í ljósi nýrra og hertra sóttvarnaraðgerða sem taka gildi frá og með miðnætti til 17.11.2020 er hér frétt af vef heilbrigðisráðuneytisins:

Kæru foreldrar/forráðamenn. Eftir að yfirmenn okkar sátu fund með fulltrúum Almannavarna í Skagafirði í gær, var ákveðið að þar sem ekki er hægt að tryggja 2 metra regluna í leikskólum, verða þeir sem koma með barnið eða sækja það að vera með andlitsgrímu. Athugið að aðeins eitt foreldri kemst fyrir í anddyri leikskólans (á við báðar starfsstöðvar) svo halda megi 2 metra reglunni. Gætum áfram vel að einstaklingsbundnum sóttvörnum og virðum 2 metra regluna.