Mikilvægt er að góð samvinna takist strax í byrjun milli foreldra og starfsfólks leikskóla. Gagnkvæm samvinna og trúnaður þeirra á milli er forsenda þess að barninu líði vel. Daglegar upplýsingar um barnið heima og í leikskólanum eru nauðsynlegar því oft geta lítil atvik í lífi barnsins valdið breytingum á hegðun þess. Við viljum að foreldrar finni sig ávallt velkomna í leikskólann og leggjum áherslu á góð samskipti. Foreldrar geta alltaf hringt í leikskólann til þess að spyrjast fyrir um líðan barnsins, eins hringir starfsfólk leikskólans  ef eitthvað sérstakt kemur upp á. Foreldrar eru alltaf velkomnir í heimsókn í leikskólann og að taka þátt í starfinu sem þar fer fram. Foreldrar eru hvattir til að hafa samband við starfsfólk leikskólans ef þeim eitthvað er ekki eins og það á að vera. Það er betra að boðin komist beint til skila svo hægt sé að leysa málið. Leikskólinn er vinnustaður barnsins og það er hagur þess að gott umtal sé um leikskólann.

Foreldrahandbók leikskólans Tröllaborgar

Handbók heimilis og skóla: virkir foreldrar BETRI LEIKSKÓLI