Leikskólastarfið er byrjað aftur eftir nærandi og gott jólafrí. Við vonum að allir komu ferskir inn í nýtt ár og tilbúnir að taka á móti þorranum eftir tvær vikur. 

Mánudaginn 5. janúar var starfsdagur í leikskólanum og fékk starfsfólk fræðslu frá Árnýju sjúkraþjálfara um rétta líkamsbeitingu í starfi, Rakel Kemp fræddi okkur um barnavernd og þjónustu fræðslusviðsins. Að auki vann starfsfólk að innra mati á leikskólastarfinu líkt og lög gera ráð fyrir. 

Nú eru öll börn mætt í leikskólann og starfið óðum að byrja aftur. Inn á heimasíðunni eru allar upplýsingar um starfið s.s. mánaðarskipulag Brúsabæjar og Barnaborgar, matseðlar, skóladagatalið og ýmsar aðrar hagnýtar upplýsingar. 

Velkomin 2026!