Við sendum öllum okkar bestu óskir um gleðirík jól og farsæld á komandi ári. Þökkum samveruna og samstarfið á árinu sem er að líða. Jólakveðja, starfsfólk Tröllaborgar.

Samantekt á frídögum skólaárið 2019-20.

Bryndís Guðmundsdóttir talmeinafræðingur færði fræðslusviði Sveitarfélagsins Skagafjarðar gjöf til allra leikskóla í Skagafirði á dögunum. Var það námsefnið Lærum og leikum með hljóðin sem hlotið hefur ýmsar viðurkenningar. Leikskólinn Tröllaborg þakkar Bryndísi kærlega fyrir þessa frábæru gjöf.

Föstudaginn 28. júní lokar leikskólinn kl 12:00. Þá verða börnin búin að borða hádegismat. Starfsfólk vinnur sinn tíma og nýtir restina af deginum til að ganga frá húsnæðinu fyrir hreingerningu og bónvinnu. Þriðjudaginn 6. ágúst opnar leikskólinn kl 12:00. Ekki verður boðið upp á hádegismat fyrir börnin þennan dag. Starfsfólk mætir á sínum tíma um morguninn og kemur húsnæðinu í stand svo allt sé á sínum stað þegar börnin koma.

Leikskólinn Tröllaborg leitar eftir starfsmanni i 50% stöðu frá 1. september.

Leikskólarnir í Skagafirði, Ársalir, Birkilundur og Tröllaborg hafa aukið og endurbætt jafnréttisáætlun sína. Áætlunin var send til jafnréttisstofu þar sem hún hlaut samþykki eða eins og stendur umsögninni “Jafnréttisstofa óskar skólunum til hamingju með virkilega vandaða og vel unna áætlun”.

Í tilefni af því að 20 ár eru liðin frá því að leikskólahúsnæðið á Hólum var tekið í notkun gaf Lionsklúbburinn Höfði leikskólanum 200.000 kr. að gjöf sem skiptist milli deildanna á Hólum og Hofsósi.

Nú stendur yfir vinna við mótun nýrrar menntastefnu Skagafjarðar. Menntastefnan er unnin í samstarfi leik-, grunn- og Tónlistarskóla Skagafjarðar, Fjölbrautaskóla Norðurlands vestra og frístundar. Ákveðið hefur verið að bjóða til opinna íbúafunda um mótun menntastefnunnar til að fá viðhorf sem flestra inn í stefnumótunarvinnuna. Foreldrar nemenda á leik-, grunn- og framhaldsskólaaldri eru sérstaklega hvattir til þátttöku á fundunum. Fundirnir verða haldnir á þremur stöðum:

Starfsfólk Tröllaborgar óskar öllum gleðilegs sumars og þakkar samstarfið í vetur