Kæru foreldrar/forráðamenn. Eftir að yfirmenn okkar sátu fund með fulltrúum Almannavarna í Skagafirði í gær, var ákveðið að þar sem ekki er hægt að tryggja 2 metra regluna í leikskólum, verða þeir sem koma með barnið eða sækja það að vera með andlitsgrímu. Athugið að aðeins eitt foreldri kemst fyrir í anddyri leikskólans (á við báðar starfsstöðvar) svo halda megi 2 metra reglunni. Gætum áfram vel að einstaklingsbundnum sóttvörnum og virðum 2 metra regluna.

Eins og hefur komið fram í fjölmiðlum hefur reglugerð um takmörkunum á skólastarfi vegna farsóttar verið uppfærð og gildir hún til 10. nóvember 2020.

Sem kunnugt er hefur neyðarstig almannavarnda verið virkjað á ný vegna COVID 19. Gildir þetta til 19. október 2020 en aflétting eða framlenging verður endurmetin af stjórnvöldum. Í grunn-, leik- og tónlistarskólum sveitarfélagsins verður leitast við að halda áfram uppbyggilegu skólastarfi en hert á öllum vörnum og viðbúnaði gagnvart Covid-19 í samræmi gildandi takmarkanir í samkomubanni. Stöðugt skal minnt á eins metra regluna og persónulegar sóttvarnir. Hvaða áhrif hefur þetta á okkur í Tröllaborg?