Loksins hefur ný reglugerð fyrir skólastarf á tímum farsóttar litið dagsins ljós. Gildir hún frá 3. nóvember 2020 til 17. nóvember 2020.
Nýja reglugerðin setur okkur örlítlar skorður á leikskólastarfið í Tröllaborg en á samt að tryggja sem minnst röskun á skólastarfi (óháð skólastigum).
Hvaða áhrif hefur reglugerðin á starfið í Tröllaborg?
*Foreldrar/forráðamenn eiga að nota andlitsgrímu þegar þeir koma með og sækja börn sín í leikskólann. Engar undantekningar.
*Foreldrar/forráðamenn skulu almennt ekki koma inn í leikskólabygginguna nema brýna nauðsyn beri til.
*Hver og einn gætir að einstaklingsbundnum sóttvörnum eins og verið hefur.
*Allt samstarf milli leik- og grunnskólans fellur niður á gildistíma reglugerðarinnar.
Deildarstjórar senda frekari upplýsingapóst á foreldra/forráðamenn um þau atriði sem snúa að hvorri starfsstöð fyrir sig.
Með samstillu átaki hljótum við að snúa á óværuna svo allt fari að ganga sinn vanagang.
Kærar þakkir fyrir góðar undirtektir.