Dagana 21.-22. desember 2021 fluttu starfsfólk Tröllaborgar með dyggri aðstoð starfsfólks Áhaldahúss og fræðslusviðs innbú úr húsnæðinu í Túngötu yfir í nýtt og glæsilegt húsnæði við Skólagötu 4.
Starfssemi leikskólans Tröllaborgar og Grunnskólans austan Vatna er því komið undir sama þak á báðum starfsstöðvum; á Hofsósi og Hólum í Hjaltadal.
Starfsfólk Tröllaborgar á Hofsósi þakkar foreldrum og samstarfsfólki kærlega fyrir stuðning og aðstoð við flutningana.
Fyrir hönd starfsfólks Tröllaborgar, óska ég öllum gleðilegra jóla og farsældar á nýju ári með hjartans þökk fyrir samstarf og samvinnu á líðandi ári.
Jólakveðjur
Jóhanna Sveinbj.