Sem kunnugt er hefur neyðarstig almannavarnda verið virkjað á ný vegna COVID 19. Gildir þetta til 19. október 2020 en aflétting eða framlenging verður endurmetin af stjórnvöldum.  Í grunn-, leik- og tónlistarskólum sveitarfélagsins verður leitast við að halda áfram uppbyggilegu skólastarfi en hert á öllum vörnum og viðbúnaði gagnvart Covid-19 í samræmi gildandi takmarkanir í samkomubanni. Stöðugt skal minnt á eins metra regluna og persónulegar sóttvarnir.

 Hvaða áhrif hefur þetta á okkur í Tröllaborg?

• Höldum áfram að leggja áherslur á einstaklingsbundnar smitvarnir líkt og áður (dugleg að þvo vel hendur, spritta hendur ef þörf krefur, hósta í handakrika o.þ.h.).  Spritt er í anddyri leikskólans.
• Foreldrar og aðstandendur skulu almennt ekki koma inn í leikskólabygginguna nema brýna nauðsyn beri til. Foreldrar eru beðnir um að stoppa sem styst inni í anddyri þegar þeir koma með börnin sín og sækja þau í lok dags a.m.k. meðan neyðarstig almannavarna er í gildi (a.m.k. til 19.10.2020).
• Varðandi mötuneyti, þá höldum við áfram að skammta börnunum mat á diskana og drykki í glösin.
• Þrifaplan helst óbreytt – þrífa og sótthreinsa daglega snertifleti.
• Óbreytt samstarf verður á milli leik- og grunnskólans.
• Veikindi – mælst er til að þeir sem eru með hita eða einkenni sem svipar til einkenna kórónaveirunnar (COVID 19) mæti ekki í leikskólann á meðan neyðarstig almannavarna er í gangi.

 Þrátt fyrir að neyðarstigi hafi verið virkjað á ný eru breytingarnar mjög litlar á starfi leikskólans. Við erum vön því að lifa með þessum óvætti og höldum áfram að vera varkár og huga að persónulegum sóttvörnum. Eina breytingin er í raun sú að forráðamenn þurfa að halda áfram að vera snögg í anddyrinu þegar börnin koma í leikskólann á morgnana og þegar þau eru sótt. Starfsfólk leikskólans tekur á móti börnunum og aðstoðar ykkur eftir bestu getu.  

Ef við stöndum öll saman þá ganga hlutirnir upp. Við erum öll frábært teymi saman!