Haustið 2003 voru leikskólarnir þrír austan Vatna sameinaðir í einn leikskóla, Leikskólann Tröllaborg. Í fyrrahaust ætluðum við að halda upp á 20 ára afmæli Tröllaborgar en því miður tókst það ekki en nú í vor ætlum við að freistast til að halda upp á afmælið í geggjuðu veðri!!

Í dag er leikskólinn Tröllaborg starfræktur á tveimur starfsstöðum og ætlum við að halda upp á afmælið á báðum starfsstöðvum (auðvitað!). Dagskráin snýr að mestu leiti að leikskólabörnunum en svo er foreldrum og öðrum í samfélaginu boðið í kaffiveitingar og í notalega spjallstund í lok dags.

Þriðjudaginn 28. maí höldum við afmælishátíð á HOFSÓSI en þá fara 3.-5 ára börn (fædd 2018-2020) á Hólum í Hofsós og verða í dagskrá með börnunum þar, þangað til þau fara aftur heim í Hóla kl. 13:30 og klára daginn. Yngstu börnin verða á sínum starfsstöðvum og gera sér glaðan dag þar. Við bjóðum svo til létts kaffisamsætis kl. 15:00-16:00 á Hofsósi og vonumst til að sjá ykkur öll þar. 

Miðvikudaginn 29. maí höldum við afmælishátíð á HÓLUM en þá fara 3.-5 ára börn (fædd 2018-2020) á Hofsósi í Hóla og verða í dagskrá með börnunum þar, þangað til þau fara aftur heim í Hofsós kl. 13:30 og klára daginn. Eins eru yngstu börnin þar á sinni starfsstöð og gera sér glaðan dag þar. Við bjóðum svo til létts kaffisamsætis kl. 15:00-16:00 á Hólum og vonumst til að sjá ykkur öll þar.

Foreldrum, systkinum, ömmum, öfum og öðrum er boðið í afmælið og hlökkum við til að sjá ykkur glöð og hress í hrikalega góðu veðri á afmælishátíð Tröllaborgar 28. -29. maí nk!