Leikskóladagatal fyrir 2020-2021 var samþykkt á fræðslunefndarfundi síðastliðnn fimmtudag með eftirfarandi breytingum:
- Fræðsludagurinn sem halda átti 17. ágúst féll niður vegna takmarkana á samkomum vegna farsótta. Í staðinn var starfsdagur þar sem starfsfólk undirbjó nýtt leikskólaár.
- Haustþing sem halda átti 18. september fellur niður vegna sömu takmarkana á samkomum og verður í staðinn starfsdagur í leikskólanum.
- Dagana 14.-16. október var fyrirhuguð starfsmannaferð Tröllaborgar, Birkilundar og Grunnskólans austan Vatna til Finnlands sem ekki verður úr. 14. október verður því starfsdagur í leikskólanum en verður svo opinn dagana 15. og 16. október.
Skóladagatalið er hægt að nálgast hér.