Í vor samþykkti fræðslunefnd að hefja vinnu við endurskoðun menntastefnu Skagafjarðar frá árinu 2020. Fræðslunefnd hefur skipað stýrihóp um verkefnið og verkstjóri er ráðgjafi frá Ásgarði skólaráðgjöf. Stýrihópurinn ber ábyrgð á vinnu við endurskoðun menntastefnu Skagafjarðar með það að markmiði að ná breiðri samstöðu um stefnumótunina og skýra framtíðarsýn í mennta- og uppeldismálum sveitarfélagsins.

Stýrihópinn skipa:

• Hrund Pétursdóttir, formaður fræðslunefndar
• Steinunn Rósa Guðmundsdóttir, fulltrúi minnihluta fræðslunefndar
• Jóhanna Sveinbjörg Traustadóttir, fulltrúi stjórnenda leikskóla
• Trostan Agnarsson, fulltrúi stjórnenda grunnskóla
• Nína Ýr Nielsen, fulltrúi fræðsluþjónustu

Helstu verkefni stýrihóps:

• Greining og mat á framgangi menntastefnu frá 2020.
• Móta nýja/endurskoðaða framtíðarsýn, stefnu og innleiðingaráætlun.
• Forgangsraða aðgerðum við innleiðingu stefnunnar.
• Víðtækt samráð við stjórnendur, starfsfólk, nemendur, foreldra, kjörna fulltrúa, aðra hagsmunaaðila og íbúa um mótun stefnunnar.

Áætlað er að ný stefna verði tilbúin til innleiðingar í upphafi árs 2026.

Frekari upplýsingar um verkefnið veitir Gunnþór Eyfjörð Gunnþórsson ráðgjafi í Ásgarði skólaráðgjöf með netfangið gunnthor@ais.is eða í síma 699-1303.

Með von um gott samstarf og góða þátttöku.

Stýrihópur um endurskoðun menntastefnu Skagafjarðar