Starfsfólk Tröllaborgar óskar börnum og foreldrum þeirra gleðilegra jóla. Þökkum samstarfið á árinu og sjáumst hress og kát 5. janúar á næsta ári.

Í dag héldum við Litlu - Jólin í Barnaborg.

Börnin hafa mikið gaman af að renna sér í snjónum :-)

Elstu tveir árgangarnir í Barnaborg fóru út í Grunnskóla í dag og tóku þátt í jólaföndri skólanna og foreldrafélaganna á Hofsósi. Var mikið föndrað og étið af vöfflum sem þar voru í boði fyrir svanga föndrara.

4. - 5. ára börnin tóku þátt í að skera út í laufabrauð þann 9. desember

Í dag skreyttum við piparkökurnar okkar ásamt grunnskólanemendum.

Í dag skreyttum við piparkökurnar sem við bökuðum í síðustu viku og buðum foreldrum okkar að vera með. Var það rosa fjör.

Í gær var fyrsti Grænfánafundur haustsins. Í vetur verður sú nýbreytni að umhverfisráðið okkar er sameiginlegt með Grunnskólanum.

Í gær héldum við upp á 2. ára afmælið hennar Elísabetar með hinni ómissandi skúffuköku.

Á þriðjudaginn var fórum við í gönguferð.

Í þetta skipti fóru skógartröllin í skóginn til að baka epla-kanil-böku yfir eldi.

Á þriðjudaginn fóru skógartröllin upp í Hóla til að telja hænur og skrá niður fjöldann. Þau fengu hjálp grunnskólanemenda við það verkefni. Börnin höfðu síðan nægan tíma til að rannsaka svæðið í kring.

Í útináminu í gær skruppum við niður í fjöru. Þar fundum við ýmislegt skrýtið og skemmtileg.

Síðastliðinn föstudag tóku börnin í Brúsabæ ásamt skólahópnum í Barnaborg þátt í haustskemmtun Grunnskólans að Hólum.

Líkt og undanfarin ár tóku börn og starfsfólk í Tröllaborg þátt í verkefninu Jól í skókassa. Var sett í tvo skókassa að þessu sinni, einn fyrir dreng 3-6 ára í Barnaborg og annan fyrir stúlku 3-6 ára í Brúsabæ. En hvað eru jól í skókassa?

Börnin fengu blöðrur og gerðu allskonar æfingar með þeim.

Í gær var umbunarveisla í Brúsabæ. Börnin voru búin að velja sér að koma í búningum. Það mættu: 2 prinsessur, 1 ballerína, 1 senjorita, 1 ninja, 1 api, 2 spiderman og 1 sjóræningi í leikskólann ;-)

Í dag var umbunarveisla í Barnaborg. Við vorum búin að velja popp sem umbun og var það algjört æði og allir glaðir og sáttir.

Í útináminu í gær fórum við niður í kvosina og renndum okkur á snjó sem við fundum þar.

Í síðustu viku fóru börnin í Tröllaborg í þrjá danstíma í Höfðaborg hjá henni Ingunni danskennara. Var það mikið fjör.

Næstkomandi mánudag, 3. nóvember, verður starfsdagur í leikskólanum. Leikskólinn er því lokaður þann dag.

Miðvikudaginn 15. október fór skólahópurinn í Tröllaborg á Sauðárkrók og tók þátt í dagskrá Vinadagsins.

Gengum út að Brennuhól í dag og athuguðum á leiðinni hvaða form við sæjum.

Leik- og grunnskólabörnin á Hólum gerðu slátur á miðvikudaginn 8. október. Við fengum 25 keppi blóðmör og 24 keppi lifrapylsu sem við fáum í matinn í vetur :-)

Fyrst fórum við á leynistaðinn okkar. Tréin eru búin að fella lauf sín að mestu leyti. Krakkarnir fóru síðan í hópleiki, sem gekk mjög vel

Sameiginlegur fundur Leikskólans Tröllaborgar og foreldrafélags Tröllaborgar á Hofsósi verður þriðjudaginn 14. október kl. 16:00 í Barnaborg

Í íþróttatímanum í dag vorum við með þrautabraut og æfðum meðal annars jafnvægið.

Í morgun hjálpuðum við Binnu við að búa til slátur. Flestir voru tilbúnir að rétta fram hjálparhönd en einstaka fannst þetta full klístrað og illa lyktandi.

Leikskólinn Tröllaborg og Grunnskólinn austan Vatna eru grænfánaskólar og fengu Grænfánann afhentan í þriðja sinn 30. september síðastliðinn.

Síðasta miðvikudag var afmælisveisla mánaðarins í Barnaborg. Afmælisbarn mánaðarins var Dagmar Helga og óskum við henni til hamingju með afmælið.

Haustþing leikskólakennara verður föstudaginn 3. október og er leikskólinn lokaður þann dag.

Við fórum á leynistaðinn okkar og tókum eftir því að hann hefur breyst verulega á einni viku. Laufblöðin eru orðin gul og brún. Við reyndum síðan að upplifa umhverfi okkar með því að binda fyrir augu: lykta, hlusta og þreifa. Eldri börnin tálguðu spýtu í lok tímans til að baka brauð á. Grunnskólabörnin komu síðan í skóginn og saman grilluðum við brauð á priki.

Unnið var með yogastöður, öndunaræfingar og slökun á föstudaginn 19. september

Fyrsti íþróttatími vetrarins var í dag og sprikluðum við eins og sannir íþróttaálfar. Einnig var fyrsta umbunarveisla vetrarins sem að þessu sinni var dótadagur.

Nú er hópastarfið hafið í Barnaborg. Í hópastarfinu er börnunum skipt í hópa eftir aldri og ýmsilegt skemmtilegt gert. Í gær leirðuðu til dæmis stelpurnar í skólahópnum nafnið sitt.

Börnin í Brúsabær fóru í skóginn til að finna leynistað. Við ætlum að fylgjast með breytingum staðarins í vetur. Síðan fundum við fullt af mismunandi sveppum sem við reyndum að skilgreina með sveppabók sem við tókum með okkur í ferðina.

Í gær skruppum við niður í fjöru. Þar var margt skemmtilegt að skoða og fundum við fullt af dauðum marglyttum. Þegar við vorum búin að skoða okkur nóg um í fjörunni fórum hnoðuðumst við aðeins í brekkunni bak við vesturfarasetrið.

Í morgun héldum við upp á afmælin þeirra Júlíusar Hlyns og Valþórs Mána. Þar sem veðrið var svo ótrúlega gott ákváðum við að færa veisluna út í garð. Þar nutu allir veðurblíðunnar og veitinganna.

Í Barnaborg skruppum við í berjaferð í dag. Fóru berin jafnt upp í munn sem ofan í dollu.

Leikskólinn Tröllaborg verður lokaður mánudaginn 18. ágúst 2014 vegna fræðsludags.

Niðurstöður úr könnun sem lögð var fyrir foreldra í vor eru nú aðgengilegar hér undir flipanum Foreldrar/Foreldrakönnun.

Í dag var útskriftarathöfn fyrir skólahópinn. Fengu öll börnin birkihríslu frá leikskólanum í útskriftargjöf. Að útskriftinni lokinni var boðið upp vöfflur og opnuð myndlistarsýning sem stendur út vikuna.

Útskrift elsta árgangsins í leikskólanum verður eftirfarandi:

Í útináminu í gær brugðum við okkur út fyrir bæjarmörkin og kíktum á Grafarós í rigningunni. Einnig gáfu börnin sér tíma til að tína slatta af ormum upp úr götunni sem þau settu síðan í moldina í leikskólanum.

Börnin í Tröllaborg fóru í sveitaferð í Brúnastaði í Fljótum í dag og fengu höfðinglegar móttökur. Þar var margt skrýtið og skemmtilegt að sjá og óhætt að segja að allir hafi skemmt sér konunglega. Myndir úr ferðinni eru í myndasafni.

Í dag var farið í útikennslustofu og bakaðar lummur. Einnig grófu börnin holu til að setja bandspotta með mismunandi rusli í holuna. Í haust verður þetta grafið upp og séð hvað hefur gerst.

Í tilefni af sæluviku fengum við góða heimsókn Síðastliðin mánudag. Þá komu leikarar frá leikfélagi Akureyrar og sýndu okkur leikritið Skemmtilegt er myrkrið. Leikskólabörnin frá Hofsósi voru með okkur og er ekki hægt að segja annað en að áhorfendur hafi verið ánægðir, hreinlega frábær sýning.

Tröllaborg og Grunnskólinn austan-Vatna eru tilnefnd til foreldraverðlauna Heimilis og skóla 2014. Tilnefningin er vegna bæklings sem nemendur hafa verið að vinna og er fyrir ferðamenn. Allir sem eru tilnefndir fá viðurkenningu.

Föstudaginn 2. maí er starfsdagur í leikskólanum og er leikskólinn lokaður þann dag.

Þetta er bæklingur sem nemendur leik- og grunnskólans hafa unnið saman í vetur. Bæklingurinn er ætlaður ferðamönnum og er um áhugaverða staði austan Vatna séð með augum barnanna. Hér má sjá kynninguna:

Á föstudaginn 25.april var umhverfisdagur á Hólum og komu gestir og gangandi til að skoða ýmis verkefni, sem nemendur leik- og grunnskólans á Hólum voru að vinna í vetur. 5ára börnin ásamt nemendum í 2.bekk bökuðu vöfflur úr hafragrautsafgöngum og mjólk sem var komin fram yfir síðasta söludag. Það var gert til að vekja athygli á því að óþarfi er að henda matvælum sem eru útrunnin því oft eru þau ennþá nothæf í matargerð.

Í tilefni af Sæluviku verður leiksýning í Tröllaborg á Hólum í dag mánudag 28. apríl kl. 14:00. Leikfélag Akureyrar sýnir stutt leikrit sem heitir „Skemmtilegt er myrkrið“ og er fyrir eldri nemendur leikskólans.

Í tilefni af Degi umhverfisins þann 25.4 verður opið hús í leikskólanum Tröllaborg. Í Barnaborg, Hofsósi verður opið hús frá 10:30 - 11:30. Í Brúsabæ, Hólum verður opið hús frá 10:00 - 12:00 í samvinnu við Grunnskólann á staðnum.

Í dag fór fram leitin mikla í Barnaborg er börnin leytuðu að páskaglaðningi sínum. Glaðningurinn sem var vínber og súkkulaðirúsínur vakti mikla lukku.

Þær Þórey í Keflavík og Ella á Hofsstöðum komu og heimsóttu okkur á þriðjudaginn með rokka.

Ágætu foreldrar/forsjáraðilar Dagana 7.-11. apríl (mánud.-föstud.) verður opin foreldrakönnun í leikskólum Skagafjarðar. Mikilvægt er að fá góða svörun til að fá rétta mynd af viðhorfum ykkar til skólastarfsins. Þið fáið lykilorð og aðgang að tölvu í leikskólanum. Svara þarf 1 könnun fyrir hvert barn. Það er okkur mikils virði að þið gefið ykkur tíma til þess að svara könnuninni hjá okkur, t.d. þegar þið komið með barnið eða sækið það. Vinsamlegast hafið samband við leikskólastjóra ef þið hafið ekki tækifæri til að svara könnuninni í leikskólanum.

Nú stendur yfir seinni hluti dansnámskeiðs vetrarins. Námskeiðinu líkur síðan með danssýningu kl 15:30 á fimmtudaginn (3.4.) í Höfðaborg.

Í gær bjuggum við til pappír. Allir fengu að prófa og skemmtu sér vel.

Dansinn byrjaði í dag eftir hádegi og tóku öll börnin virkan þátt í kennslunni.

Á föstudaginn síðastliðinn kláruðu börnin að safna brosum og var umbunardagur í dag, mánudag. Börnin völdu að hafa blöðrudag og var blásið í blöðrur í morgun sem börnin fengu svo að leika sér með við tónlist og höfðu mjög gaman af.

Í morgun fóru 5 ára börnin á umhverfisfund ásamt nemendum grunnskólans. Á fundinum voru gerðar spurningar fyrir könnun sem á að taka í haust meðal foreldra. Könnunin miðast út frá því hvernig umhverfismálum er háttað heima hjá þeim t.d. er verið að flokka á heimilinu og svo framvegis.

Í útikennslunni þann 18.3. fóru skógartröllin að skoða bleikjueldið á Hólum. Við sáum hrogn, bleikjuseyði og fullvaxna bleikju. Guðmundur svæfði tvo fiska fyrir okkur og börnin máttu klappa þeim.

Á þriðjudaginn fengum við góða heimsókn frá tónlistarskóla Skagafjarðar, en þá spiluðu fyrir okkur þrír fiðlunemar nokkur lög ásamt því að fræða börnin um hin ýmsu nöfn á hljóðfærinu t.d. stóll, snigill, háls og fl.

Héldum upp á öskudaginn með pompi og prakt. Allir mættu í búningum og 5.ára börnin ásamt grunnskólabörnum fóru upp í Hóla að syngja og fengu gotterí í staðinn. Síðan var kötturinn sleginn úr tunnunni í grunnskólanum. Fyrstu verðlaun voru veitt fyrir frumlegasta búninginn og fékk Elísabet Líf viðurkenningu þetta árið. Á myndinni með Elísabetu indíjánastelpu eru Karíus og Baktus og Elvis Presley.

Í dag var Grænfánafundur hjá skólahópnum. Þar unnum við meðal annars að verkefni um heimilin okkar.

Í gær fór útinámshópurinn í fjöruna og sá þar margt spennandi sem brimið hafði borið að landi. Má þar nefna meðal annars sandsíli, hrogn og krossfisk. Auðvitað skelltum við okkur síðan aðeins í brekkuna þar og fengum okkur nokkrar salíbunur.

Héldum upp á öskudaginn með því að slá köttinn úr tunnunni. Héldum svo grímuball.

Fórum í fjöruna í dag eins og svo oft áður en þar er alltaf eitthvað spennandi að sjá og gera.

Í útikennslu var farið á grunnskólalóðina og kastað snjóboltum og síðan var mælt hvað hvert barn hafði kastað langt.

Við byrjuðum daginn á að drífa okkur út í frostið og lékum okkur úti dágóða stund en svo fóru börnin á bókasafnið og völdu sér bækur fyrir vikuna en þeim finnst alltaf jafn gaman að velja sér nýjar bækur.

Minnum foreldra á að foreldraviðtöl verða mánudaginn 24.febrúar.

Árgangur 2008 og 2009 fór í fjöruna eftir hádegi í dag.

Í morgun fóru börnin í útikennslustofu og skoðuðu fuglahúsin. Fuglarnir voru búnir með allt kornið og því settu börnin meira fóður í húsin. Síðan var fjallahringurinn skoðaður og rætt um nafnið á hverju fjalli. Í lokin var farið inn og fjallahringurinn búin til úr leir.

Í gær fögnuðum við Þorranum í leikskólanum með því að borða hákarl, harðfisk og annað góðmeti sem tilheyrir Þorranum. Þorramaturinn lagðist þó misvel í mannskapinn en allir fengu sér smakk.

Á föstudaginn var fórum við með börnin á fótboltavöllinn. þar vorum við að skjóta á markið og leika okkur með boltana sem við tókum með okkur. Einnig var rennt sér á svellinu sem var á vellinum. Á leiðinni í leikskólann var stoppað við hestasteininn og hann prófaður.

Í síðustu viku á Degi leikskólans 6.febrúar var gestakaffi í leikskólanum. Þökkum við öllum sem mættu fyrir komuna.

Í Útikennslu fóru skógartröll í hesthúsið á Hólum til að sækja skít sem á að nota í moltukassann. Börnin hjálpuðu til við að moka skítnum í kerruna hjá Árna Gísla en hann keyrði síðan skítnum í grunnskólann. Það voru þreytt börn sem komu í leikskólann að lokinni göngunni upp í Hóla og aftur í leikskólann.

Í gær á Degi leikskólans var gestakaffi í leikskólanum. Þökkum við öllum sem mættu fyrir komuna.

Í tilefni af Degi Leikskólans ætlum við að bjóða gestum að koma í útikennslustofuna okkar milli klukkan 15-16. Þar ætlum við að bjóða ykkur nýbakaðar lummur og kakó. Allir velkomnir!

Í morgun var farið í útikennslustofuna og bakaðar flatkökur, það heppnaðist vel og síðan var fuglahúsunum komið fyrir í trjánum.

Síðasta föstudag var Þorrablót haldið hjá okkur í leikskólanum

Í gær héldum við æfmælisveislu fyrir afmælisbörn janúar mánaðar, þær Valgerði Rakel, Sveindísi Helgu, Sigrúnu Önnu og Írisi Lilju. Óskum við þeim til hamingju með afmælin.

Síðasta þriðjudag fórum við niður í fjöru, lékum okkur við öldurnar og sáum meðal annars lifandi krabba.

Hið árlega þorrablót leikskólans verður á morgun föstudag 31.1. Mötuneytið sér um að hafa hangikjöt, rófustöppu og kartöflustöppu. það væri gaman ef að börnin gætu komið með smá smakk í leikskólann t.d. harðfisk, hákarl, sviðasultu osvfr.

Afmælisveisla var haldinn í dag fyrir þau börn sem eiga afmæli í mánuðinum. Laufey Cara 5.ára, Valva Nótt 3.ára, Sölvi 2.ára og Magnús Veigar 2.ára. Óskum við þeim hjartanlega til hamingju með afmælin.

Moltukassinn á Hólum var tekin í notkun á mánudaginn var og ætlum við að fara með allan lífrænan úrgang í hann daglega.

Árgangur 2010 var í fyrsta skipti með í útináminu í dag.

Útinámshópurinn í Barnaborg fór í fjöruna í dag og sá margt spennandi