Í útináminu á þriðjudag ákváðum við að nýta okkur snjóinn sem kom um helgina.

Á miðvikudag og fimmtudag komu grunnskólanemendur úr 1.-4. bekk í heimsókn í leikskólann fyrir hádegi. Þar máttu þau velja sér dót og efnivið til að leika sér með. Leikskólakrökkunum fannst ekki leiðinlegt að fá stóru börnin í heimsókn :-)

Í gær fóru deildarstjórarnir í Tröllaborg á landshlutafund Skóla á grænni grein. Þar voru kynntar ýmsar nýjungar varðandi grænfánaverkefnið.

Í hópastarfinu á miðvikudag skemmtu snjótröllin sér vel.

Síðasta miðvikudag var Vinadagurinn í Skagafirði haldinn. Að venju tók skólahópur Tröllaborgar þátt.

Í dag tókum við slátur í Barnaborg. Allir sem vildu fengu að taka þátt í því. Sumum fannst þetta þó full ógeðslegt...

Á þriðjudaginn (29. september) héldum við upp á afmæli Brynhildar Kristínar. Boðið var upp á muffins og vatn.

Í útináminu á þriðjudag fórum við niður að Vesturfarasetrinu. Þar fórum við upp í brekkuna og fundum vindinn blása á okkur. Hann var mjög kraftmikill. Á leiðinni heim stoppuðum við á brúnni yfir Hofsána og athuguðum hvort nokkuð tröll byggi þar.

Miðvikudaginn 30. september fórum við í vettvangsferð með þrjá elstu árganga leikskólans frá Hofsósi og Hólum. Klukkan 10:20 var komið á fyrri áfangastaðinn, Glaumbæ. Þar fengum við leiðsögn um safnið og borðuðum nestið okkar. Klukkan 12:00 fórum við á næsta stað sem var Litliskógur (fyrir ofan Sauðárkrók). Þar fórum við í göngutúr og einnig var svæðið rannsakað. Eftir smá nestishlé var síðan haldið heim. Þetta var skemmtileg ferð og krökkunum fannst gaman að hitta börnin úr hinni deildinni. Myndir: